[i576]
DE LA VILLE DE PARIS.
DCCI. — Deffences aux Cappitaines et gardes des portes d'empescheh les fermiers
À RECEVOIR LES DENIERS DES FERMES. 17 avril 1576. (Fol. 3oa v°.)
De par les Prevost des Marchans el Eschevins de ia Ville de Paris.
«Il est enjoinct à tous Capitaines et gardes des portes de n'empescher les fermiers ou leurs commis à recevoir les deniers des fermes du vin, entrant en laditte ville.
"Et enjoinct ausdictz Capitaine et gardes de leur donner confort et ayde, si aucuns de ceulx qui amènent lezdictz vins sont reffusans de payer les­dictz droictz : à la charge toutes fois que, où il se trouvera aulcunes personnes qui amèneront lesdictz vins pour la guerre et crainte de la gendarmerye, et declarant par eulx qu'ilz les amènent pour seureté,
et entendent les reinencr à leurs maisons, que les deniers ou gaiges qu'ilz bailleront pour l'entrée des­dictz vins, leur seront renduz après la guerre; et lors qu'ilz vouldront les remener en leurs maisons, seront tenuz lesdictz fermiers leur bailler certifficat des deniers ou gaiges qu'ilz auront consignez. Et ou cas que ci après il y aict débat entre ceulx qui auront consigué et lesd, fermiers, pour raison de ce quc dessus, les jugemens qui en interviendront seront executez contre lesdictz fermiers comme pour les propres deniers et affaires du Roy.
n Faict au Bureau, ce dix septiesme Apvril m v"
LXXVI."
DCCII. — Pour la closture des rues et ruelles
DES FAULXBOURGS DE L'UNIVERSITE ABBOUTISSANS AUX CHAMPS.
17 avril 1576. (Fol. 3o2 v°.)
De par les Prevost des Marchans et Eschevins de la Ville de Paris.
"ll est enjoinct aux Cappitaines, Lieutenans el Enseignes, Cinquanteniers et Dixiniers des faulx­bourgs S' Victor, S' Marcel, S1 Jacques et S' Ger­main des Prez, en la plus grande dilligence qu'ilz pourront, promptement et presentement faire c.lorre de murailles de deux piedz d'espoisse, toutes les rues, ruelles et chemins yssans des chaulcées et grandes rues desdictz faulxbourgs, lesquelles abou­tissent aux champs et aux tranchées et au bout d'icelles, scelon qu'il a esté par Nous advisé.
"Feront faire, aux despens des habitans desdictz faulxbourgs, les clostures, portes etguichetz, serrures, et fermetures desdittes yssues, ainsi que leur mons-treront les Maistres des Œuvres de lad. Ville : et à ce
ne feront faulte lesdictz Capitaines, Lieutenans, En­seignes, Cinquanteniers et Dixiniers desdictz faulx­bourgs : sur peine de s'en prendre à eulx en leurs pro-, pres el privez noms, et leur faulte estre defferé au Roy.
"Et pour subvenir aux frais qu'il conviendra faire, est enjoinct aux Quarteniers, Cinquanteniers et Di­xiniers desdictz faulxbourgs, imposer sur les habi­tans les sommes à quoy se monteront iceulx Irais; et pour ce faire, appeller avec eulx lesdictz Cappitaines, Lieutenanz, Enseignes et deux notables Bourgeois de chascune Dixaine, telz qu'ilz adviseront.
"Faict au Bureau de la Ville, le dix septiesme Avril mil cinq cens soixante seize."
Ainsy signé : "D'Aubray".
Pour le capitaine Du Mas, ses Lieutenant et En­seigne.
DCCIII. — [Mandemens aux Cappitaines]
POUR RENFORCER LA GARDE À LA PORTE SAINCT MARCEL [et EZ AUTRES PORTES DE LADITTE VILLE].
17 avril 1.576. (Fol. 3o3 r°.)
#e par les Prevost des Marchans et Eschevins de la Ville de Paris.
"JI est enjoinct au Cappitaine Gasse et Roze son
Lieutenant, de renforcer sa garde à la porte S' Marcel de tous les bourgeois, manans et habitans de sa compaignie, de sorte qu'il n'en puisse advenir aulcun inconvenient : sans y faire faulte.